મોડાસા માં વરસાદમાં રોડ પર ઢોળાયેલા ઓઈલ પર ST બસ સ્લીપ થઈ જતાં ઝાડ સાથે ભટકાઈ : મુસાફરો ઈજાગ્રસ્ત, માનવતાના દ્રશ્યો સર્જાયા
મોડાસા શહેરના
સાંઈમંદિર નજીકથી વરસતા વરસાદમાં રોડ પર ઢોળાયેલા ઓઇલ ના પગલે રોડ પરથી પસાર થતી એસટી બસના ચાલકે વળાંકમાં સ્ટિયરિંગ પરથી કાબુ ગુમાવતા રોડ બાજુમાં રહેલા ઝાડ સાથે બસ ભટકાઈ હતી.
અકસ્માતમાં બસમાં મુસાફરી કરી રહેલા મુસાફરોમાં ભારે હોહા મચી હતી. બસમાં મુસાફરી કરી રહેલા મુસાફરોમાંથી એક બાળકીની આંખે ગંભીર ઇજા પહોંચતા અકસ્માતના પગલે દોડી આવેલા લોકોએ ૧૦૮ ઇમરજન્સી એમ્બ્યૂલન્સને ફોન લગાવી દીધો હતો. ૧૦૮ ઇમરજન્સી એમ્બ્યૂલન્સ માલપુર હોવાથી સમય લાગે તેમ હતો, જેને પગલે જાયન્ટ્સ મોડાસાના નિલેશ જોશી અને પ્રવીણ પરમારે ઈજાગ્રસ્ત દીકરીને તાબડતોડ રિક્ષા મારફતે સારવાર અર્થે દવાખાને ખસેડી માનવતાનું ઉદાહરણ પૂરું પાડ્યું હતું. સદનસીબે વાહનો અને રાહદારીઓથી ધમધમતા રોડ પર એસટી બસ સ્લીપ થતા મોટી જાનહાની ટળી હતી.મોડાસા-માલપુર રોડ પર ફતેપુરા (દાહોદ) થી વિજાપુર જતી એસટી બસ (ગાડી.નં-GJ 18 Z 6408)ના ચાલકે સાંઈમંદિર નજીક મારૂતિ કોમ્પ્લેક્ષ આગળ વળાંકમાં વરસતા વરસાદમાં રોડ પર ઓઇલ ઢોળાયેલું હોવાથી બ્રેક મારવા જતા બ્રેક ન આવી. જેથી એસટી બસ રોડ પર રેલાઈ રોડ નજીક રહેલા ઝાડ સાથે ધડાકાભેર અથડાઈ હતી. બસ ઝાડ સાથે ભટકાતા અકસ્માત સર્જાયો હતો. અકસ્માતના પગલે બસમાં મુસાફરોએ ચીસાચીસ કરી મુકી હતી. લોકોની બુમોના અવાજ સંભળાતા આજુબાજુમાંથી અન્ય લોકો પણ દોડી આવ્યા હતા. એસટી બસની ટક્કરે ઝાડ ઉખડી ગયું હતું. દરમિયાનમાં બસમાં મુસાફરી કરી રહેલા પરિવારની બાળકીની આંખે ગંભીર ઇજા પહોંચી હતી. સદનસીબે બસમાં મુસાફરી કરી રહેલા અન્ય મુસાફરોને સામાન્ય ઈજાઓ પહોંચી હતી. બાળકીને આંખે ઇજા પહોંચતા ૧૦૮ ઇમરજન્સી એમ્બ્યૂલન્સને જાણ કરાઈ હતી. જોકે એમ્બ્યુલન્સ માલપુર હોવાનું અને અન્ય એમ્બ્યૂલન્સને ધનસુરાથી મોકલવાનું જણાવતાં અકસ્માતના પગલે દોડી આવેલા સેવાકીય સંસ્થા જાયન્ટ્સ મોડાસાના નીલેશ જોશી અને પ્રવિણ પરમારે ૧૦૮ ઇમરજન્સી એમ્બ્યૂલન્સની રાહ જોયા વગર બાળકીને રિક્ષાની વ્યવસ્થા કરી તાત્કાલિક ઈજાગ્રસ્ત બાળકીએ સારવાર અર્થે દવાખાને ખસેડી પરિવારની મદદ કરી હતી. તે ઉપરાંત પણ અહીં આવી પહોંચેલા લોકોએ અન્ય ઈજાગ્રસ્તોને બનતી મદદ કરી હતી. એસટી બસની ટક્કરે ઝાડ તૂટી નજીકમાંથી પસાર થતા વીજતાર પર પડતા સમગ્ર વિસ્તારમાં વીજપુરવઠો ખોરવાઈ ગયો હતો. જેને પગલે વીજતંત્રના કર્મચારીઓએ સમારકામ કરી વીજપુરવઠો પુર્વરત કર્યો હતો.
કેતન પ્રણામી
અરવલ્લી
સાંઈમંદિર નજીકથી વરસતા વરસાદમાં રોડ પર ઢોળાયેલા ઓઇલ ના પગલે રોડ પરથી પસાર થતી એસટી બસના ચાલકે વળાંકમાં સ્ટિયરિંગ પરથી કાબુ ગુમાવતા રોડ બાજુમાં રહેલા ઝાડ સાથે બસ ભટકાઈ હતી.
અકસ્માતમાં બસમાં મુસાફરી કરી રહેલા મુસાફરોમાં ભારે હોહા મચી હતી. બસમાં મુસાફરી કરી રહેલા મુસાફરોમાંથી એક બાળકીની આંખે ગંભીર ઇજા પહોંચતા અકસ્માતના પગલે દોડી આવેલા લોકોએ ૧૦૮ ઇમરજન્સી એમ્બ્યૂલન્સને ફોન લગાવી દીધો હતો. ૧૦૮ ઇમરજન્સી એમ્બ્યૂલન્સ માલપુર હોવાથી સમય લાગે તેમ હતો, જેને પગલે જાયન્ટ્સ મોડાસાના નિલેશ જોશી અને પ્રવીણ પરમારે ઈજાગ્રસ્ત દીકરીને તાબડતોડ રિક્ષા મારફતે સારવાર અર્થે દવાખાને ખસેડી માનવતાનું ઉદાહરણ પૂરું પાડ્યું હતું. સદનસીબે વાહનો અને રાહદારીઓથી ધમધમતા રોડ પર એસટી બસ સ્લીપ થતા મોટી જાનહાની ટળી હતી.મોડાસા-માલપુર રોડ પર ફતેપુરા (દાહોદ) થી વિજાપુર જતી એસટી બસ (ગાડી.નં-GJ 18 Z 6408)ના ચાલકે સાંઈમંદિર નજીક મારૂતિ કોમ્પ્લેક્ષ આગળ વળાંકમાં વરસતા વરસાદમાં રોડ પર ઓઇલ ઢોળાયેલું હોવાથી બ્રેક મારવા જતા બ્રેક ન આવી. જેથી એસટી બસ રોડ પર રેલાઈ રોડ નજીક રહેલા ઝાડ સાથે ધડાકાભેર અથડાઈ હતી. બસ ઝાડ સાથે ભટકાતા અકસ્માત સર્જાયો હતો. અકસ્માતના પગલે બસમાં મુસાફરોએ ચીસાચીસ કરી મુકી હતી. લોકોની બુમોના અવાજ સંભળાતા આજુબાજુમાંથી અન્ય લોકો પણ દોડી આવ્યા હતા. એસટી બસની ટક્કરે ઝાડ ઉખડી ગયું હતું. દરમિયાનમાં બસમાં મુસાફરી કરી રહેલા પરિવારની બાળકીની આંખે ગંભીર ઇજા પહોંચી હતી. સદનસીબે બસમાં મુસાફરી કરી રહેલા અન્ય મુસાફરોને સામાન્ય ઈજાઓ પહોંચી હતી. બાળકીને આંખે ઇજા પહોંચતા ૧૦૮ ઇમરજન્સી એમ્બ્યૂલન્સને જાણ કરાઈ હતી. જોકે એમ્બ્યુલન્સ માલપુર હોવાનું અને અન્ય એમ્બ્યૂલન્સને ધનસુરાથી મોકલવાનું જણાવતાં અકસ્માતના પગલે દોડી આવેલા સેવાકીય સંસ્થા જાયન્ટ્સ મોડાસાના નીલેશ જોશી અને પ્રવિણ પરમારે ૧૦૮ ઇમરજન્સી એમ્બ્યૂલન્સની રાહ જોયા વગર બાળકીને રિક્ષાની વ્યવસ્થા કરી તાત્કાલિક ઈજાગ્રસ્ત બાળકીએ સારવાર અર્થે દવાખાને ખસેડી પરિવારની મદદ કરી હતી. તે ઉપરાંત પણ અહીં આવી પહોંચેલા લોકોએ અન્ય ઈજાગ્રસ્તોને બનતી મદદ કરી હતી. એસટી બસની ટક્કરે ઝાડ તૂટી નજીકમાંથી પસાર થતા વીજતાર પર પડતા સમગ્ર વિસ્તારમાં વીજપુરવઠો ખોરવાઈ ગયો હતો. જેને પગલે વીજતંત્રના કર્મચારીઓએ સમારકામ કરી વીજપુરવઠો પુર્વરત કર્યો હતો.
કેતન પ્રણામી
અરવલ્લી
